Drama Sunda : Si Utung Neangan Cinta

Si Utung Neangan Cinta

Babak 1

            (Di karaton, Putri Purbararang keur cacarita. Adi-adina ngariung, diuk tarungkul. Purbararang nyaritana bari tutunjuk. Beungeutna semu geuneuk bangun keur nyidem kakeuheul.)

Purbararang     : (Bari ngacungkeun curuk) Rama prabu teh teu adil. Naha ani dijungjung jadi ratu bet si Purbasari, budak bau cikur? Naha? Naha lain aceuk anak nu pangkolotna? Aceuk teu tarima!

Purbaleuwih    : Atuda pilih kasih Rama Prabu mah, aceuk. Geuning katingalna mani nyaaheun pisan ka si Purbasari mah. Padahal urang teh kapan palaputrana keneh.

Purbamanik     : Enya, lepat kaputusan Rama Prabu teh aceuk. Kedahna mah aceuk anu diistrenan jadi ratu teh

Purbakancana  : Peudah geulis meureun si Purbasari mah, aceuk.

Purbararang     : (jebi) Hemh, asa Sarah Azhari we meureun nyah?

Purbadewata   : Padahal geulis keneh aceuk ceuk abdi mah da. Aceuk mah salirana jangkung kawas Tamara Blezinsky, rambutna meles ngarumbay kawas Cornelia Agatha. Rarayna bodas kawas…. Si Omas.

Purbararang     : (Molotot) naon maneh ngahina ka aceuk purbadewata?

Purbadewata   : (Bari seuri) intermeso atuh, ceuk! Aceuk mah bête wae sih katingalna.

Purbararang     : (Riukna daria) yeuh, dengekeun ku sararea! Aceuk rek ngumpulkeun sakabeuh patinggi karajaan! Aceuk kudu diistrenan jadi ratu!

Purbaendah     : Ke heula aceuk! Lamun kitu, urang teh meureun baheula teu tumut ka nu jadi sepuh. Kumaha lamun urang sararea meunang dodoja dewata?

Purbararang     : Maneh rek melaan si Purbasari? Pek jeung maneh sakalian dibuangna, si Purbasari ku kami rek dibuang ka Gunung Cupu (Tuluy ngageroan paman lengser) paman lengser! Paman lengser!

(Torojol paman lengser nyampeurkeun, cong nyembah)

Paman lengser : Aya pikersaeun naon, Enden putrid?

Purbararang     : Mana si Purbasari? Cing sina kadieu, paman!

Paman lengser : Tadi mah keur ngadaweung bae dipengeker, Enden. Ke atuh ku paman rek digeroan.

(Paman lengser ngaleos. Teu lila geus norojol deui ngiringkeun putrid purbasari. Gek purbasari diuk emok bari tungkul hareupeun Purbararang)

Purbararang     : Yeuh purbasari! Kami geus badami jeung sapangeusi karaton, semet poe ieu maneh teu jadi ratu, sarta ayeuna keneh rek dianteurkeun ku paman lengser ka gunung cupu

Purbasari         : (Ngahuleng sawatara lila, tuluy pok bari dareuda) samangga, aceuk. Abdi mah seja tumut kumaha kapalay aceuk. Mung kumaha ke abdi cuang-cieung di leuweung sorangan? (Nginghak ceurik)

Purbadewata   : Bekelan HP atuh, aceuk. Ngarah tiasa sms-an ke sareng abdi

Purbararang     : Jempe maneuh, purbadewata! Henjung, paman, geura indit!

Paman lengser : (Bari reuwas, colohok) Heunteu lepat kitu kukupingan paman teh Enden?

Purbararang     : Piraku kudu make speker Paman? Buru anteukeun si Purbasari!

Paman lengser : Mangga, Enden. Mung eu…eu…eu…!

Purbararang     : Naon deui?

Paman lengser : Nyungkeun acis kanggo ongkos angkotna, Enden!

(Purbararang kalah molotot. Paman lengser tuluy nuyun putri purbasari)

Babak 2

(Di leuweung, aki panyumpit keur tatanggahan neangan manuk. Keur kitu katenjo aya lutung cindekul dina tangkal kai. Geuwai bae aki panyumpit metakeun sumpitna. Ari pek lutung teh bisaeun ngomong)

Lutung              : Bagea aki! Nuhun aki ngulampreng ka dieu!

Aki panyumpit`: (reuwas) aeh, aeh? Naha lutung teh bet bisa ngomong? Boa-boa jurig. Liiiiyyy (Ngabirigidig sieun)

Lutung              : ulah sieun! Kuring mah lain jurig lain genderewo.

Aki panyumpit  : Maneh saha atuh? Sato atawa manusa?

Lutung              : lutung aki! Kuring teh lutung. Tapi pinter bisa ngomong, nya? Enya da kuring mah lutung hebring. Lutung gaul (Bari ngacungkeun jempol) lutung edun, aki!

Aki panyumpit  : Ah, tangtu maneh lain saluting-lutungna, nya? Dimana teuing aya lutung bisa ngomong

Lutung              : Ikh, si aki mah! Tara nonton filem sun go kong kitu? Kapan sun go kong ge bisaeun ngomong.

Aki panyumpit  : Wadul maneh mah! Sok atuh saha saenyana maneh teh?

Lutung              : engke ge aki bakal apal. Hayu anterkeun kuring ayeuna ka karaton. Kuring teh hayang tepung jeung Nyi putri.

Aki panyumpit  : Tuh, geus aneh deui bae make haying ka karaton sagala. Naha teu sieun dipeuncit kitu? Mangkaning ratuna galak pisan!

Lutung              : Akh rek dicakar we beungeutna ari galak mah!

Babak 3

(Di tengah leuweung luwang-liwung, Putri Purbasari ngeueung sorangan. Diuk di saung eurih, ngahariring bangun prihatin. Dikajauhan aya lutung keur ngintip ngadedengekeun. Sakapeng lutung teh gagaro bari semu culang cileung)

Purbasari         : (Ngahariring, pupuh maskumambang)

                        Aduh ibu ieu kuring keur prihatin,

                        Pada nganiaya, Dulur teu aya nu asih,

                        Teu bumela mikanyaah

                        Cuang-cieung sorangan di sisi lamping,

                        Taya pangumaha, kuring nandangan kapeurih

                        Sangsara taya bandingna

(lutung nyampeukeun ka purbasari bari ngahariring, ngaheureuyan)

Lutung            : Ulah ceurik, ulaaah ceurik..

Purbasari         : Eh, eh, aya lutung! Saha anjeun beut wani wani nyampeukeun!

Lutung                        : Ulah sieun eneng! Em.. sebut we Aa Utung! Ari eneng saha?

Purbasari         : Abdi teh Purbasari

Lutung                        : Meuni geulis sapertos Dian sastro

Purbasari         : Aa utung ge keren ih, sapertos Nicolas Saputra

Lutung                        : Naha neng aya di tengah leuweung?

Purbasari         : Kieu dongengna a utung. Eneng gaduh lanceuk namina Purbararang. Tah Purbararang teh juteeeek pisan. Terus pas abdi dipasihan karajaan sirikeun ka eneng. Eneng diusir ti karaton ku sabab hoyong jadi Ratu.

Lutung                        : Emh, deudeuh teuing! Eh, em…. Eneng tos….tos gaduh kabogoh?

Purbasari         : Teu acan. Naha naros kitu, a utung?

Lutung                        : hari gini belum punya pacar!

Purbasari         : ikh, a utung jahat! Jahat!

(Lutung tuluy naek kana tatangkalan, ngala bubuahan. Maranehna ngadahar bungbuahan. Purbasari bangun capeueun, reup manehna sare disaungna. Nenjo kaayaan purbasari, lutung bangun kagagas pisan. Manehna tuluy menekung sarta ngagibrikeun awakna. Aheng pisan, saharita jleg aya karaton agreng. Basa purbasari hudang manehna colohok awahing ku reuwa)

Purbasari         : A utung ieu ujug-ujug bet aya karaton? A utung teh tukang sihir nya? A utung pinter ik, sapertos ma lampir!

(Lutung teu nembal, kalah beretek lumpat ka leuweung. Teu lila jol deui bari mawa kembang. Sok dibikeun ka purbasari. Lutung lutuy ngahariring)

Lutung                        : kuring teh arjuna….aaa…

                        Nu neangan cintaaa…

                        Para wanoja….aaa….

                        Naha teu aya nu cintaa….